پرچي؟پرچي؟پرچي؟
پدا بزگين بلوچ پرسيگ گنگ بوت!!
پدا بي گناهين بلوچ سوگي کنگ بوت!!
پدا ظلم ديستگين بلوچ کشتو کوشي آماچ بوت!
ذي پنچشنه ۲۰۰۳-۱۲-۰۴ تاريخ سراواني بي دفاعين مردم ايراني پليس آني تيراني آماچ بيت...
يک کسانين زهگي (۱۰ سالگين) که وتي موتوري سرا ديم په وتي لوگا روان بوتگ ، چه پليس (نيروهاي انتظامي) نيمگا هوشتارينگ بيت .
بله اي کسانين زهگ انچوش وتي راها ديما روان بيت...ايراني اسلامي پليس چه گونددين بچکي کارا سک زهريگ بيت و گنوکاني پيما مردماني نيمگا تيرگواري کنت ، کسا نين زهگ هو ر گون ۲ دگه بي گناهين مردم کوشگ بيت.
سراواني نترس و زهمت کشين مردم چه پليسي اي بي رحمين کارا غضب گرنت و پليس و سرکاري خلاپا کوکار و جار جننت.
اشکونگي ردا ۲ بانک و لهتي دکانا چه مردماني نيمگا په آچش کشگ بييت.پدا ظالمين پليس آ بزگ و بي دفاعين مردماني سرا تيرگواري کنت و گيش چه ۱۰ نپرا شهيد کناينيت....
بنا کردند کار خويش به خاک و خون غلتيدند
خدا رحمت کند اين مومنان پاک طينت را
بلوچ پدا وتي شيري و بهادريا پدر کرت.
بلوچ پدا وتي عزتمندي و مزنيا پدر کرت.
بلوچ پدا پدرکرت که کسي غلاميا نه منيت.
بلوچ پدا پدر کرت که آهي واجه آ وت انت.
ما وتي مردمي سرا پهر ندين ،ما گون وتي مردمي غما هورين،وتي شهيدانا هچ وهد نه شموشين،آهاني پشت پداني گمي گونا وتارا هور زانين...
تو دژمن:
گار کرتگ ات عقلا وتي
تاپگ وتي ديما مشئي
تو که تچي بي راهيا
آخر کپي مه چاهيا
اميت په وشين روچان په بلوچ و پعهکين ظلم ديستگان
راديو بلوچي اف ام |
