Dr Ghulam Raza Rahmani o Wj Ashraf Sarbazi ye beyraani ye haal a
sak delpadard bittann. Waaja Hodaa aahaani arwaah a maan jannat
a jaagaah bedant o aahaani poshpad e mardomaan sabr o oupaar
bedant ! Aamin !
Dr Rahmani naamdaareyn doktor o hadd’ e nadraahiyaani specialist
ey at o aahi ya molk a o darmolk (UK, Vietnam o Emarat) a kaar
kotag. yak moddatey aahi ya BBC ye faarsi bahr e tahaa eshkonoukaani naadraahiyaani baarah a jostaani jawaab daatag ke baaz darmaani sar o souj bittag ant. man Dr Rahmani ca nazzik a
dittag. aa baaz deym roushen o johdkaareyn mardomey at o pa
harkas e komak o madat a har wahd a oushtaatag at. aahi ye
kastereyn braat ham baaz waanendaheyn warnaa ey at ke syaasi
bonyaadaani saraa Iran e mullai regime a e’daam kot.
Ashraf Sarbazi, mani jend e sak nazzikeyn doust o sangatey at o
cell (40) saal a rand maa Uppsalla University e Symposium Sweden a August, 2000 a dap kapteyn. Aa yak shaae’r, nebissouk, zobaan
zaant, shengkaar (broadcaster) o smaajkaar (social worker) o roushenfekr (intellectual) ey at.
Aahi ya wati warnaahi ye roucaan Balochi zobaan e Sarchammag e shayri o adabi diwaanaan aan goun maa (man o Sayed Zahur Shah
o dega sangataan) bahr zortag at o wati shayr wantag at ant.
Gwastageyn yakkeyn haptag a Baloch raaj ca wati dou zand’eyn
zaantkaaraani beyraani ya gham o andouhaani aamaac bit. Man ey
zand’eyn taawaan a goun Baloch raaj o hodaamorziyaani loug e mardomaan o syaad o awaaresaan o draaheyn sangataani dard a
sharidaar aan.
Gamaani oulaak,
Ameeri |
